"Barselona" "Real Ovedo"ni mag'lub etdi (3:0) va La Liga uy uchrashuvlaridagi g'alabalar seriyasini uzaytirdi.

"Ko'k-anorranglilar" chempionatda ketma-ket o'ninchi bor o'z maydonidagi o'yinda zafar quchdi. Opta xabariga ko'ra, bu kataloniyaliklarning 2019 yildan beri eng yaxshi natijasi - o'shanda Ernesto Valverde jamoa bilan ketma-ket 14 ta o'yinda g'alaba qozongan.

"Barselona"ning hozircha La Ligada o'z maydonidagi so'nggi mag'lubiyati o'tgan mavsumda - 2025 yil may oyida "Vilyarreal"ga qarshi o'yinda (2:3) qayd etilgan.

Amaldagi chempionlar 21-turdan keyin turnir jadvalida peshqadamlik qilmoqda va "Real"ni 1 ochkoga ortda qoldirmoqda.