"Barselona" vingeri Rafinya futbolchilik faoliyatini yakunlagach, murabbiy bo'lmoqchi emas. Braziliyalik futbolchi o'z fikrini tushuntirdi.

"Murabbiy bo'lish? Hech qachon. Murabbiyning hayoti juda talabchan. Sen hammadan oldin kelasan, hammadan keyin ketasan va aslida mehmonxonalarda yashaysan. Bu oilaga nisbatan adolatsizlikdir", - dedi Rafinya Sofascore’ga bergan intervyusida.

2025/2026-yilgi mavsumda Rafinya 21 ta rasmiy o'yin o'tkazib, 13 ta gol va 5 ta golli uzatmani o'z hisobiga yozdirib qo'ydi.