Madridning «Atletiko» klubi hujumchisi Xulian Alvares transfer insaydlarining doimiy qahramoniga aylanib bormoqda. «Transfer News Live» nashrining «TEAMtalk»ga tayanib xabar berishicha, Londonning «Arsenal» va «Chelsi» klublari Alvares bo'yicha doimiy aloqada bo'lib turishibdi va ijobiy signallar olishmoqda.

Argentinalik hujumchining o'zi «Barselona»ga o'tishni afzal ko'rgan bo'lardi, biroq kataloniyaliklarning moliyaviy holati bu transferni amalga oshirishga imkon berishi dargumon. 26 yoshli Alvaresning ehtimoliy transferi taxminan 100 million evroga tushishi mumkin.

2025/2026 yilgi mavsumda Xulian Alvares 32 ta o'yinda maydonga tushib, o'z hisobiga 11 ta gol va 5 ta golli uzatmani yozdirib qo'ydi.