"Barselona" prezidentligiga nomzod Viktor Font Joan Laportani Lionel Messi bilan munosabatlari buzilgani uchun tanqid qildi.

"Uning "Kamp Nou"ga yashirincha kelishiga to'g'ri kelgani va biz "Real" bilan emas, Leo bilan munosabatlarni uzganimizni kechirib bo'lmaydi. Messi bilan yarashish u ketganidan buyon ustuvor bo'lishi kerak.

Biz Messini Kataloniyaga qaytarish uchun institutsional, tijoriy va sport jihatlarini qamrab oluvchi uch tomonlama taklif ustida ishlayapmiz. Bu "Barsa" muxlislarini junbushga keltiradi", - dedi Font.