Vinger Rafinya «Barselona» safiga qaytmoqda. Kecha bo'lib o'tgan matbuot anjumanida Xans-Diter Flik braziliyalik futbolchi Ispaniya chempionati doirasidagi «Jirona»ga qarshi o'yinda maydonga tusha olishi haqida gapirgan edi. Dushanba kuni klub o'z resurslarida ushbu ma'lumotni rasman tasdiqladi.

«Rafinya sog'lom deb topildi va bugungi o'yin qaydnomasiga kiritiladi», — deyiladi «ko'k-anorranglilar» xabarida.

Eslatib o'tamiz, Rafinya mushaklaridagi muammolar sababli jamoaning oxirgi bir nechta o'yinini o'tkazib yuborgan edi.

«Jirona» va «Barselona» o'rtasidagi Ispaniya La Ligasi bahsi Toshkent vaqti bilan tungi soat 01:00 da boshlanadi.