«Barselona»ning yosh himoyachisi Pau Kubarsi o'zining kumirlari va kimlarning o'yinidan ilhomlanishi haqida to'xtalib o'tdi. Ispaniyalik iqtidor sohibi Karles Puyol va Jerar Pike bilan bir qatorda «Liverpul» sardori Virjil van Deykni ham alohida e'tirof etdi.

Kubarsining aytishicha, u har bir himoyachidan o'zi uchun kerakli jihatlarni o'rganishga harakat qilgan. Puyoldan etakchilik qobiliyati va jamoani o'z ortidan ergashtira olishini, Pikedan esa to'pni o'yinga kiritish hamda maydonda to'g'ri pozitsiya tanlashni o'zlashtirgan. Bu xislatlar uning bugungidek futbolchi bo'lib etishishiga katta yordam bergan.

Shuningdek, Pau «Liverpul» a'zosi Virjil van Deykning o'yin uslubiga ham yuqori baho berdi. U niderlandiyalik himoyachining sovuqqonligi, etakchiligi va hujumlarni boshlashdagi mahoratini o'zi uchun haqiqiy namuna deb bilishini ta'kidladi.