«Barselona» ma'lum bir pasayishni boshdan kechirmoqda — so'nggi haftalarda jamoa bir nechta og'riqli mag'lubiyatlarga uchradi. Shunga qaramay, «ko'k-anorranglilar» bosh murabbiyi Xans-Diter Flik yarim himoyachi Pedri safga qaytganidan so'ng, bu pasayish to'liq bartaraf etilishiga ishonmoqda. Bu haqda The Touchline nashri xabar bermoqda.

Qayd etilishicha, Flik Pedrini jamoaning balansini ta'minlaydigan va futbolchilarni birlashtiradigan asosiy figura deb hisoblaydi.

Ma'lumki, jarohati sababli Pedri bir oyga yaqin vaqtni o'tkazib yubordi. O'tgan dam olish kunlarida yarim himoyachi «Levante»ga qarshi o'yinda zaxiradan maydonga tushdi va taxminan yarim taym harakat qildi.

Hozirda «Barselona» Ispaniya chempionati turnir jadvalida peshqadamlik qilmoqda va ikkinchi o'rindagi «Real»ni bir ochkoga ortda qoldirmoqda.