"Arsenal" himoyachisi Ben Uayt faoliyatini Ispaniyada davom ettirishi mumkin.

"El Nacional" nashrining xabariga ko'ra, London klubi shu yozda o'z futbolchisini sotishga tayyor. "To'pchilar" 28 yoshli o'yinchining xizmatlarini "Barselona"ga taklif qilishgan. Hozircha "ko'k-anorranglilar"ning ushbu transferga qiziqish yoki qiziqmasligi noma'lum.

Ben Uayt 2021 yilda "Brayton"dan "Arsenal"ga 58 million evro evaziga o'tgan edi. Uning londonliklar bilan shartnomasi 2028 yil 30 iyungacha amal qiladi. Joriy mavsumda himoyachi "to'pchilar" safida barcha turnirlarda 19 ta o'yinda ishtirok etib, bitta gol urdi va ikkita golli uzatmani amalga oshirdi. "Transfermarkt" portali Uaytning qiymatini 30 million evroga baholamoqda.