"Ko'k-anorranglilar" etakchisi birinchi o'yindagi og'ir mag'lubiyatga (0:4) qaramay, "matraschilar"ga qarshi kambek qilishga ishonmoqda.

Braziliyalik futbolchi jamoasining xarakteriga alohida urg'u qaratib, eng qiyin sinovlarni ham engib o'tishga qodir ekanini ta'kidladi.

"Biz ajoyib o'yin ko'rsatishimizga ishonamiz. Qayta olishimizga, keyingi bosqichga o'tish mumkinligiga ishonamiz. Agar dunyoda shunday kambek qilishga qodir jamoa bo'lsa, bu — biz", – dedi Rafinya.

Qayd etilishicha, Ispaniya Kubogi yarim finalidan o'rin olgan "Barselona" – "Atletiko" o'yini 4 martga o'tar kechasi, Toshkent vaqti bilan 01:00 da boshlanadi.