«Barselona» va «Milan» klublarining sobiq hujumchisi Zlatan Ibrahimovich ispaniyalik mutaxassis Xosep Gvardiola bilan «ko'k-anorranglilar» lagerida birga ishlagan vaqtidagi suhbatlaridan birini esladi.

«Birinchi uchrashuvda Gvardiola bu erda Ferrari haydashmasligini aytdi. Men esa uni olib, keyingi mashg'ulotlarga mana shu mashinada keldim», — dedi shved.

Eslatib o'tamiz, Zlatan 2009 yildan 2011 yilgacha Kataloniya grandi sharafini himoya qilgan. Skandinaviyalik «Barselona» bilan birgalikda ikki marta Ispaniya chempioni bo'ldi. O'tgan yozda u nafaqaga chiqqanini e'lon qildi.