"Barselona" jamoasining sobiq futbolchisi va murabbiyi Xavi klub prezidentligi uchun o'tkaziladigan saylovlarda Joan Laportaga qarshi chiqmoqda. Xavi Viktor Font ishtirokidagi ommaviy tadbirda qatnashdi va uning nomzodini qo'llab-quvvatladi. Bu haqda Ispaniyaning "Sport" nashri xabar bermoqda.

Eslatib o'tamiz, Joan Laporta yaqinda yangi muddatga o'z nomzodini qo'yish imkoniyatiga ega bo'lish uchun iste'foga chiqqan edi.

Ma'lumot uchun, Xavi 2023/2024 yilgi mavsum yakunida "Barselona" bosh murabbiyi lavozimini tark etgandi. Shundan so'ng Kataloniya jamoasini Xans-Diter Flik qabul qilib oldi.

Shanba kuni, 28 fevralda, "Barselona" Ispaniya chempionati doirasida o'z maydonida "Vilyarreal"ga qarshi o'yin o'tkazadi.