La Liganing 26-turidan o'rin olgan "Vilyarreal"ga qarshi uchrashuvda Lamin Yamal uch bor raqib darvozasini ishg'ol qildi (4:1).

"Barselona" vingeri birinchi bo'limdagi ikkita golini Fermin Lopesning uzatmalaridan so'ng kiritgan bo'lsa, ikkinchi bo'limda unga Pedri assistentlik qildi.

18 yoshli Yamal joriy mavsumda kataloniyaliklar safida 34 ta o'yinda ishtirok etib, o'z hisobiga 18 ta gol va 12 ta golli uzatmani yozdirib qo'ydi.

Lamin so'nggi to'rtta o'yindan beri ilk bor gol urdi — u jamoaning joriy mavsumdagi eng yaxshi to'purari bo'lib turibdi. Ferran Torres esa barcha turnirlarda 16 ta gol urishga muvaffaq bo'lgan.