«Inter» markaziy himoyachisi Alessandro Bastoni faoliyatini «Barselona»da davom ettirishi mumkin. Bu haqda jurnalist Ekrem Konur xabar bermoqda.

Manbaning ma'lumotlariga ko'ra, 26 yoshli italiyalik futbolchi agar moliyaviy shartlar uni qoniqtirsa, Kataloniya klubiga o'tishga tayyor. «Barselona» sport direktori Deku va jamoa bosh murabbiyi Xans-Diter Flik Bastonini himoya chizig'ini kuchaytirish uchun ustuvor variant deb hisoblashmoqda. Transfer summasi 80–100 million evroni tashkil etishi mumkin.

Joriy mavsumda Bastoni barcha turnirlarni hisobga olganda 35 ta o'yinda maydonga tushdi, o'z hisobiga ikkita gol va oltita golli uzatmani yozdirib qo'ydi.