«Barselona» futbolchilari Chempionlar ligasida «Atletiko»dan uchralgan mag'lubiyatning (0:2) ertasiga tiklanish dasturi bo'yicha mashg'ulot o'tkazishdi. O'yinda ishtirok etmagan qolgan futbolchilar esa to'liq mashg'ulotlarda qatnashishdi.

Klub rasmiy saytining xabar berishicha, yarim himoyachi Frenki de Yong mashg'ulotlarning bir qismini umumiy guruhda o'tkazgan. Niderlandiyalik futbolchi ayni damda jarohatidan so'ng tiklanish jarayonini davom ettirib, sport formasini tiklamoqda.

Shuni alohida ta'kidlash joizki, de Yong oxirgi marta «Barselona» safida qishda — 22 fevral kuni maydonga tushgan edi.

«Barselona» navbatdagi uchrashuvini 11 aprel kuni Ispaniya chempionati doirasida o'z maydonida «Espanol»ga qarshi o'tkazadi.