«Barselona» hujumchisi Lui Berri faoliyatini Angliyada davom ettiradigan bo'ldi. «Aston Villa» klubi 16 yoshli futbolchi uchun 1 mln 48 ming evro to'laydi.Berri o'tgan yilning iyul oyida mojaro orqali «Vest Bromvich»dan «Barselona»ga o'tgan edi. Angliyaliklar ushbu transfer yuzasidan FIFAga murojaat qilib, kataloniyaliklar 235 ming funt miqdorida kompensatsiya to'lamagani haqida shikoyat qilgan edi.Lui Berri «Barselona» o'smirlar jamoasi safida Ispaniya chempionati doirasida 7ta o'yinda maydonga tushib, 2ta gol urdi. Shuningdek, u UEFA o'smirlar ligasi doirasida 3ta o'yinda zaxiradan maydonga tushdi.