«Barselona» hujumchisi Lionel Messi jamoa bilan shartnomani uzaytirishi mumkinligi haqida o'z fikrini bildirib o'tdi.«Biz shartnomani muhokama qildik. Shartnoma meni bog'lab qo'yishini istamasdim. Boisi, qachongacha o'zimni baxtli his qilishimni bilmayman. Agar yuqori formada bo'lmasam ham shartnoma amalda bo'lishini istamayman.Jismoniy jihatdan o'zimni yaxshi his qilar ekanman, o'ynashda davom etaman. Lekin, nazarimda, faoliyatimning oxirigacha «Barsa»da qolsam kerak», – dedi Messi.Avvalroq «Barselona» rahbariyati Messiga 10 yillik shartnoma taklif qilayotgani, buning ichiga futbolchilik faoliyatini yakunlaganidan keyin klub tizimida ishlash taklifi ham kirishi haqida xabar tarqatilgan edi.