Evropa futbol assotsiatsiyalari ittifoqi (UEFA) Evro-2020ni dekabr oyiga ko'chirish masalasini ko'rib chiqmoqda. Maqsad — milliy chempionatlarga yozda mavsumni yakunlash imkonini yaratish. Bu haqda "The Telegraph" xabar tarqatdi.
Hozirda Evropaning deyarli barcha chempionatlari hozir "karantin"ga chiqqan bo'lib, UEFA 17 mart kuni Evropa chempionati, Evropa chempionlar ligasi va Evropa ligasining keyingi taqdirini muhokama qiladi.
Avvalroq UEFA Evro-2020 musobaqasini 2021 yilning yoziga ko'chirishi mumkinligi haqida xabar tarqalgan edi. Shuningdek, tashkilot musobaqani 2020 yilning dekabr oyida o'tkazishni muhokama qilmoqda.
Eslatib o'tamiz, dastlabki rejaga ko'ra, Evropa chempionati 12 iyundan 12 iyulgacha bo'lgan muddatda o'tkazilishi kerak.