«Barselona»ning sobiq futbolchisi Aleksandr Gleb hujumchi Lionel Messi bilan bog‘liq voqea haqida gapirib berdi.
«Mashg‘ulotlarda hech kim Messiga qattiq gapirmagan. Gvardiola bir marta unga dakki bergan edi. Leo esa to‘pni otib yubordi va ketib qoldi. Xavi esa Gvardiolaga: «Pep, o‘zingni bos, axir bu Leo», dedi.
Agar u juda chiroyli gol ursa, biz xorijliklar shivirlashib gaplashardik. Xorijliklar – men, Anri, Markes, Gudonsen bir-birimizga: «Kichkintoy nima qilganini ko‘rdingizlarmi?», deb shivirlashardik.
Messi — o‘zgacha. Albatta unga hasad qilmaganman. Hammamiz uning eng zo‘r ekanini tushunganmiz», — dedi Aleksandr Gleb «Vatsko LIVE» intervyusida.