«Barselona» klubi rahbariyati aprel oyining oxirini umumiy mashgʼulotlarni boshlash uchun eng qulay vaqt deb hisoblamoqda. Klub mashgʼulotlarni 27-aprel sanasidan boshlashni rejalashtirgan. Bu haqda "AS" xabar berdi .

Аvvalroq Ispaniya bosh vaziri Pedro Sanches koronavirus pandemiyasi tufayli mamlakatdagi favqulodda holat kamida 13-aprelga qadar davom etishini aytgandi. Shunga qaramay, «Barselona» oʼyinchilarining barchasi uyda oʼzlarining sport formasini saqlash maqsadida mashgʼulot oʼtkazib, bu toʼgʼrisida har kuni murabbiylar shtabiga hisobot berib borishmoqda. Biroq bu professional sportchilar uchun yetarli emas.

Soʼnggi maʼlumotlarga koʼra, COVID-19 koronavirusiga chalinganlar soni 349 ming nafarga yetgan.

Manbaa; tribuna.uz