"Barselona" bosh murabbiyi Xans-Diter Flik "Xetafe"ga (3:0) qarshi o'yinda Rafinya Diasning vaqtli almashtirilgani sababini aytdi.

Braziliyalik vinger o'yinni asosiy tarkibda boshladi va 34-daqiqada golli uzatmani amalga oshirdi, ammo ikkinchi bo'limda maydonga tushmadi - tanaffusda uning o'rnini Markus Reshford egalladi.

"Rafinyani birinchi bo'limdan keyin almashtirishga qaror qildik, chunki unda sariq kartochka bor edi. Tavakkal qilishni istamadik, chunki u bizga keyingi o'yinda kerak bo'ladi. Bundan tashqari, biz o'ng qanotda o'ynay oladigan, ammo chap qanotda yoki "to'qqizlik" sifatida harakat qilishni afzal ko'radigan Reshfordni ham maydonga tushirishni rejalashtirgan edik," - deya Flikning javobini keltiradi BarcaTimes.