«Barselona»ning qishki va yozgi transfer oynalaridagi maqsadlari ma’lum bo‘ldi, deb yozadi Marca.
Xabar qilinishicha, «ko‘k-anorranglilar» rahbariyati klubga qishda yangi o‘yinchi sotib olinishga ehtiyoj yo‘q, deb hisoblayapti. Aksincha, «Barsa» bir nechta o‘yinchilarni sotmoqchiligi aytilmoqda.
Ammo «Barselona» 2020 yil yozida o‘ng qanot himoyasi pozitsiyasini mustahkamlashga muhtoj. Bosh murabbiy Ernesto Valverde Serji Robertoni markazda o‘ynata boshlaganidan so‘ng, o‘ng qanot himoyasida faqatgina Nelson Semedu qoldi.
Klub Semeduga munosib o‘rinbosar yo‘q deb hisoblamoqda, chunki Valverde yana bir o‘ng qanot himoyachisi Mussa Vagega asosiy o‘yinlarda ishonmaydi, undan faqat Ispaniya Kubogi o‘yinlarida foydalanishni rejalashtirgan.