"Manchester Siti" hujumchisi Rahim Sterling o'zini Krishtianu Ronaldu va Lionel Messi bilan taqqoslashlari haqida qanday fikrda ekanini aytib o'tdi. Bu haqda FourFourTwo xabar tarqatdi."Agar men keyingi 15 mavsum davomida yiliga 50-60tadan gol ursam, unda meni ular bilan taqqoslash mumkin bo'ladi. Hozircha esa mendan ular haqida so'ramang", - dedi futbolchi.Eslatib o'tamiz, Sterling ushbu haftada Evropa chempionlar ligasining eng yaxshi futbolchisi deb topildi. Mazkur mavsumda u 17ta o'yinda maydonga tushib, 16ta gol urishga muvaffaq bo'ldi.