Mundo Deportivo nashri xabariga ko'ra, PSJ klubi hujumchisi Kilian Mbappe "Barselona"ga o'tishni xohlamoqda.
20 yoshli hujumchi anchadan buyon madridning "Real" klubida to'p surishni orzu qilardi, biroq "qaymoqranglilar"ning so'nggi paytlarda qayd etayotgan natijalari uni xavotirga solib qo'ygan. SHuningdek, Mbappe "qirollik klubi" ustozi Zinedin Zidanning Karim Benzema bilan raqobatda boshqa hujumchilarga imkoniyat taqdim etishiga ishonmayapti.
Mbappe Luis Suaresning mavsum yakunidagi ehtimoliy transferi sabab "ko'k-anor ranglilar"ning asosiy tarkibidan o'rin olishiga ishonmoqda.