"Santos" Neymarning 2013 yilda "Barsa" ga o'tganidan keyin yetkazilgan zarar uchun 61 million yevro to'lashni talab qildi. Sport arbitraj sudi (CAS) ularning apellyatsiyasini rad etdi va Santos ishni davom ettirmaydigan bo’ldi. Braziliya klubi "Barsa" dan kelgusi shartnomalarda "Real" ga o'xshab harakat qilishni so'radi.
“Santos” afsusda, garchi klub faoliyatida xato bo'lganini inkor etib bo'lmaydigan haqiqatni tan olishga qaror qilgan taqdirda ham", -dedi klub rasmiy bayonotida, Diario Sport nashri iqtibos keltirgan holda.
Braziliya klubi Rodrigo Goesning “Real” ga o'tishini misol qilib, kelgusi transferlarda shaffoflik va halollikka rioya qilishni so'raydi.
"Santos" klubi "Barselona" Neymarning 2013 yilda "Kamp Nou" ga o'tishi munosabati bilan transfer qoidalarini buzganligi, zarar va taqiqlar uchun 61 million yevro to'lashni talab qilgan.
Sport arbitraj sudi (CAS) apellyatsiyani rad etib, "Santos" bilan o'yinchi o'rtasidagi shartnoma o'zaro kelishuvga binoan bekor qilingan. "Barselona" o'yinchining otasiga qo'shimcha tovon puli to'lab, shartnomani buzmagan deb hisoblamoqda. Shuningdek, "Barselona" Neymar Jr bilan dastlabki shartnomani imzolaganida firibgarlik qilmaganligi to’g’risida xulosaga keldi.
Sud qaroriga asosan “Santos” “Blaugrana”ning 20000 Shveytsariya franki miqdoridgia sud xarajatlarini to'lab beradi.
Eslatib o'tamiz, 2013 yilning iyul oyida Neymar "Santos" dan "Barselona" ga 88,2 million yevroga ko'chib o'tgan va 2017 yil avgustida 222 million yevro evaziga Fransiyaning "PSJ" klubiga o'tgan edi.

Manba: Diario Sport