«Barselona» bosh murabbiyi Kike Seten «Valyadolid»ga qarshi bo'lib o'tgan o'yin (1:0) borasida o'z fikrini bildirib o'tdi. «Messiga dam kerakmi? Albatta. Men bu haqda gapirib o'tdim, lekin hisob qaltis bo'lgani uchun Leoni zaxiraga olmadim. Agar birinchi bo'limda ko'proq gol urganimizda, ko'proq o'yinchilar dam olish imkoniyatiga ega bo'lar edi. Jamoa toliqqan. Shuning uchun butun maydonni yopa olmaganimiz uchun ortga chekinishimizga to'g'ri keldi. Biz birinchi bo'limda 2 yoki 3ta gol urib, o'yin taqdirini hal qilib qo'yishimiz kerak edi.1:0 hisobida oldinda borayotganingda xavotir hissiyoti bo'ladi, raqib esa istalgan paytda gol urishi mumkin. Ikkinchi bo'limda o'yinimiz qovushmadi. Ba'zi o'yinchilar charchagani sezildi», — dedi Seten.