Kalidu Kulibali, Pau Torres va Erik Garsiya "Barsa" da himoyada Jerar Pikega o’rinbosar bo’lishlari mumkin.
"Barselona" yangi markaziy himoyachi qidirmoqda, deya xabar beradiMundo Deportivo.
Kataloniyaliklar yangi mavsumni shunchaki yoshi o’tgan Jerar Pike, Kleman Langle, jarohat olgan Samuel Umtiti va tajribasiz yosh Ronald Arauxo bilan boshlamoqchi emaslar.
“Blaugrana” "Napoli" ning himoyachisi Kalidu Kulibali, "Manchester Siti" ning o'sib borayotgan yulduzi Erik Garsiya va “Villarreal”ning himoyachisi Pau Torresni asosiy nomzodlar sifatida aniqladi.
Endi variantlarni qisqacha tahlil qilsak.
Moliyaviy qiyinchiliklar yagona to'siq bo'lishi mumkin, chunki "Napoli" 29 yoshli Kulibali uchun 100 million yevro so'ramoqda, 23 yoshli Torresni esa 65 million yevro evaziga qo’yib yuborishlari mumkin.
Shu bilan birga, "La Masia" tarbiyalanuvchisi 19 yoshli Erik Garsiya uzoq vaqt davomida "Barsa" ning radarlarida bo'lgan. U ham arzonga kelmasa kerak, chunki “Shaharliklar” uning shartnomasini yaxshilash bo'yicha ko'p millionli taklifni rejalashtirishmoqda.

Manba: Mundo Deportivo