“Barselona” murabiyi Kike Setyenga bo’layogan bosimlar to’g’rimi? Bugun shuni muhokama qilamiz.
Kike Setyenning yaqin orada iste’foga chiqishi borasidagi gaplar uning ishi uchun qo’shimcha bosim yuklaydi. Jamoa eski formasiga qayish uchun juda sekin va to’g’ri yo’nalishda harakat qilyapti.
Balki, Kike Setyen “Barselona”da ishlashi uchun ideal murabbiy bo’lishi kerakdir. Uning ideologiyasi Yohan Kroyf o’yin uslubiga moslangan. Kike yanvarda kelganidayoq o’z o’yin uslubini singdirishni boshladi. O’zgarish bor. Jamoa to’p nazoratiga e’tibor beryapti, intensiv o’yin ko’rsatyapti, raqiblarga pressing qilyapti.
Shunday lahzalar bo’ldiki, jamoada kreativlik yetishmadi, ammo bunday paytda futbolchilar maydondagi bo’layotgan voqealarni o’z zimmalariga olishlari kerak edi. Hozirgi paytda Setyenning ishi og’ir. Rahbariyat uni qo’llab-quvvatlamayapti, futbolchilarning ba’zilari unga nisbatan oppozitsion kafiyatda. Bu esa murabbiyga yomon ta’sir qilyapti.
Kike “Barselona”ga 2020-yil yanvarda keldi. Jamoa og’ir ahvolda edi. Ketma-ket ikki marta Chempionlar Ligasidan chiqib ketish, Ispaniya Kubogida “Valensiya”ga mag’lubiyatga uchrash Ernesto Valverdening jamoadan ketishini oydinlashtirib berdi.
Jamoada o’ziga xos ambitsiya yetishmadi. Valvede qo’l ostida jamoa falsafasi o’zgardi. “Barselona” o’zining prinsiplaridan voz kechdi. Futbolchilar raqiblariga ustunlik berib qo’ydi.
Setyen jamoaga kelganidan so’ng “Barselona” La Liga yetakchisiga aylandi. Ungacha jamoa bir nechta o’yinlarda,”Atletik Bilbao”, “Osasuna”, “Granada”, “Levante”, “Real Sosyedad”, “Real Madrid” va “Espanyol” kabi jamoalarga qarshi ochko yo’qotdi. Bu “Barsa”ning yomon harakat qilganini bildiradi. Raqiblar “Barselona”dan qo’rqmay qo’yishgan edi.
Setyenni ishlarini solishtiradigan bo’lsak, u “Valensiya”, “Real”, “Sevilya”, “Selta” va “Atletiko” kabi kuchli jamoalar bilan o’yinda ochko yo’qotdi. “Real” esa mavsumning ikkinchi qismini yuqori kayfiyatda o’tkazyapti. Murabbiy uchun vaqt kerak. Kike Setyenni tanqid qilishga shoshmay turish zarur.
Pandemiya sababli futboldagi tanaffus ham ko’plab jamoalarga salbiy ta’sir ko’rsatdi. Kike Setyenni zahiradan futbolchilarni kech tushirishini tanqid qilishimiz mumkin. Setyen bu xatolarini tushunishi va ularni to’g’irlashi mumkin.
Setyen har bir o’yinda ochko to’plash bo’yicha Valverdedan yuqori ko’rsatkichga ega. Undan tashqari himoyani ham mustahkam qildi. Endi jamoa kam gol o’tkazib yuboryapti.
Kike Setyen qo’l ostida Serxio Buskets va Ivan Rakitichlarning o’yini yaxshilandi. Kike Riki Puchga ko’proq imkoniyat beryapti.
Rahbariyat ham Yohan Kroyfning o’yin uslubini qaytarish uchun Kike Setyenni olib keldi. Jamoa asta-sekin bo’lsa ham to’g’ri yo’lga tushib boradi.
To’g’ri, u zahiradan futbolchi tushirishda, tarkibni tanlashda xatolarga yo’l qo’yayapti. Lekin u bu xatolarini to’g’irlashi mumkin. Jamoaning muhim futbolchilari bilan munosabati yomonlashgani haqida mish-mishlar tarqaldi. Agar bu gaplar rost bo’lsa, murabbiyning jamoadagi holati yanada yomonlashishi turgan gap.