«Inter» bosh direktori Juzeppe Marotta «Barselona» hujumchisi Lionel Messi kelasi yilning yozida "neradzurri" safiga o'tishi mumkinligi haqidagi xabarga izoh berdi. «Bu nima, fentezi-futbolmi? Albatta, Messi bizning maqsadimiz emas, o'ylashimcha, Leoning o'zi faoliyatini faqat «Barselona»da davom ettirish tarafdori», — dedi Marotta "Sky Sport Italia" nashriga bergan intervyusida.Argentinalik futbolchi 2019/20 mavsumda La liga doirasida 33ta o'yinda maydonga tushib, 25ta gol urdi va 21ta golga uzatma berdi. Messining «Barsa» bilan shartnomasi 2021 yilning yozida yakuniga etadi.