«Barselona» va Argentina terma jamoasi Lionel Messi XXI asrda penaltidan gol ura olmagan o'yinchilar reytingida birinchi o'rinni egallab turibdi. Transfermarkt tarqatgan xabarga ko'ra, 33 yoshli futbolchi so'nggi 20 yil davomida 22 marta 11 metrli jarima zarbasidan unumli foydala olmagan.Bu borada ikkinchi va uchinchi o'rinlarni «Roma» klubi sobiq sardori Franchesko Totti va «Yuventus» forvardi Krishtianu Ronaldu egallab turishibdi. Har ikkala futbolchi 18ta penaltini golga aylantira olishmagan. Kuchli beshlikka Italiya terma jamoasi sobiq hujumchisi Antonio Di Natale (14) va urugvaylik forvard Edinson Kavani (13) kirishdi.