«Barselona» yarim himoyachisi Filippe Koutino faoliyatini «Arsenal»da davom ettirishga yaqin turibdi. Bu haqda "The Gooner" xabar tarqatdi.Manbaga ko'ra, 28 yoshli futbolchi "kanonirlar" mashg'ulot bazasiga tashrif buyurdi. Braziliyalik futbolchi o'z agentlari bilan londonliklar safiga o'tish masalasini muhokama qildi. Ma'lumotlarga qaraganda, tomonlar shaxsiy shartnomaning barcha detallari borasida bir qarorga kelishgan.Koutino 2019/20 yilgi mavsumni ijara asosida «Bavariya» safida o'tkazdi. Myunxenliklar uning ijarasini Evropa chempionlar ligasi oxiriga qadar uzaytirishgan. Kataloniyaliklar esa uni sotib yuborishmoqchi.