"Barselona"ning sobiq futbolchisi Arda Turan ikkita taniqli futbolchilar - "Barselona" hujumchisi Lionel Messi va "Yuventus" hujumchisi Krishtianu Ronalduni taqqosladi.

- Messi o'yinning har bir vaziyatida ishtirok etadi. U o'yinni har qanday jihatdan boshqarishi mumkin. Ronaldu haqida yomon gap ayta olmayman, lekin u mohir bo'lsa ham to'purar futbolchi. Messi futbolda barcha hislatlarga ega. U hatto tasavvur qilib bo'lmaydigan narsalarni amalga oshiradi. Uning aql-idroki, maydonni ko'rish qobiliyati, to'p uzatishlari boshqa darajada.

Bu haqda men bilan gaplashgan har bir kishi bunga qo'shiladi. Ronaldoga yaqin odamlar va uning jamoadoshlaridan tashqari. Ronaldu mening do'stim va uning darajasi borasida menda shubha yo'q. Ammo Messi yaxshiroq - deb aytib o'tdi Arda Turan.

Ma'lumot o'rnida, ushbu mavsumda Messi klub safida 43 ta o'yinda maydonga tushib, 31 ta gol urdi va 24 ta golga assistentlik qildi.