Niderlandiya terma jamoasi bosh murabbiyi Ronald Kuman «Barselona»ni boshqarishga yaqin turibdi."Mundo Deportivo" tarqatgan xabarga ko'ra, "ko'k-anorranglilar" va 57 yoshli mutaxassis o'rtasidagi muzokaralar hal qiluvchi pallaga kirgan. Ma'lumotlarga qaraganda, tomonlar yakuniy qarorga kelishga yaqin turishibdi.Kuman «Barselona» bilan 2 yillik shartnoma imzolaydi. Ammo kelasi yili klub prezidentligi uchun saylov o'tkazilishi munosabati bilan murabbiyning keyingi faoliyati borasidagi qaror yangi prezident tomonidan qabul qilinishi mumkin.Eslatib o'tamiz, "Barsa" bosh murabbiyi Kike Seten iste'foga chiqarildi. Kuman esa Barselona shahriga etib keldi.