«Manchester Yunayted» Dortmundning «Borussiya» klubi bilan yarim himoyachi Jeydon Sanchoning transferi borasida muvaffaqiyatsizlikka uchraganidan so'ng o'z e'tiborini «Barselona» hujumchisi Ansu Fatiga qaratdi."Mundo Deportivo" tarqatgan xabarga ko'ra, angliyaliklar 17 yoshli futbolchining shartnomasida ko'rsatilgan 170 million evro miqdoridagi badal pulini to'liq to'lab, uni qo'lga kiritishmoqchi.O'z navbatida, kataloniyaliklar esa o'z tarbiyalanuvchisi bilan yangi shartnoma imzolab, uning badal pulini 400 million evroga ko'tarib qo'yishmoqchi.Fati yakunlangan mavsumda "Barsa" safida barcha musobaqalar doirasida 33ta o'yinda maydonga tushib, 8ta gol urdi va bitta golga uzatma berdi. Oktyabr oyida u 18 yoshga to'ladi.