Portugaliyalik yarim himoyachi Bernardu Silvaning «Barselona»ga o'tishi borasida klub uning vakillari bilan kelishuvga erishdi, biroq yakuniy qaror bosh murabbiy Xansi Flikning ixtiyorida qolmoqda. Bu haqda Tot Costa nashri xabar bermoqda.

Bernardu kataloniyaliklar safiga qo'shilishni juda xohlamoqda va transfer amalga oshishini osonlashtirish uchun maoshining sezilarli darajada kamayishiga ham rozi bo'lgan. Uning agenti Jorje Mendesh futbolchining «Barselona»da o'ynash ishtiyoqini allaqachon tasdiqlagan. Shunga qaramay, klub tarkibni rejalashtirishni yakuniy baholash uchun biroz vaqt so'ragan.

Avvalroq boshqa manbalar Flik bu transferni qo'llab-quvvatlayotgani va oxirgi so'z Silvaning vakillarida qolganini da'vo qilishgan edi. «Manchester Siti» bilan shartnomasi tugab, erkin agentga aylanadigan 31 yoshli futbolchining kelajagi yaqin soatlar ichida hal bo'lishi kutilmoqda.