«Manchester Yunayted» klubi «Barselona» hujumchisi Lionel Messi uchun da'vogar jamoaga aylandi. "Cuatro" tarqatgan xabarga ko'ra, «qizil iblislar» argentinalik futbolchiga nafaqat qiziqish bildirishmoqda, balki uni o'z saflariga qo'shib olish uchun dastlabki qadamni tashlashdi. «MYu» Messiga "Barselona"da olayotgan maoshni to'lashga tayyor. Avvalroq Lionel jamoaning yangi bosh murabbiyi Ronald Kuman bilan suhbatda klubni tark etish istagi borligini ma'lum qilgan edi.