"Barselona" prezidenti Joan Laporta "Atletik" vingeri Niko Uilyams transferiga shubha bilan qaramoqda. "Ko'k-anorranglilar" futbolchini o'tgan yozdayoq o'z safiga qo'shib olishga uringan, ammo u taklifni rad etgandi - aynan shuning uchun Laporta ispaniyalikni hozir sotib olish kerakligiga ishonchi komil emas, deb yozadi jurnalist Santi Ovalle. Kataloniya grandi rahbari printsipial kelishuvdan voz kechishi mumkin. Katta ehtimol bilan, agar Uilyamsning o'zi "Barsa"ga o'tish istagini bildirmaganida, uning nomzodi ko'rib chiqilmagan bo'lardi.

Niko Uilyamsning Ispaniya chempionlari safini to'ldirmoqchi ekani bir necha kun avval ma'lum bo'lgandi. Taxminlarga ko'ra, 22 yoshli futbolchi har qanday murosaga, jumladan, maoshini qisqartirishga ham tayyor.