Ronald Kuman "Barselona" bosh murabbiyiga aylanganidan keyin jamoa sardori Lionel Messi bilan uchrashib, u bilan gaplashib oldi. Aynan ushbu suhbatdan keyin argentinalik futbolchi Kataloniyani tark etishga qaror qilgan. Argentinaning "Olé" nashri tarqatgan xabarga ko'ra, Kuman o'sha uchrashuvda futbolchiga qarata: «Imtiyozlar davri tugadi. Men o'z fikrimni qat'iy turaman. Men jamoa haqida o'ylashim kerak», degan.O'zi shundoq ham "Bavariya"ga qarshi 2:8 hisobidagi mag'lubiyatdan keyin alamda yurgan Messi, murabbiy bilan uchrashuvdan so'ng yanada jahl otiga mingan. Unga Kumanning pozitsiyasi yoqmagan.