«Barselona» hujumchisi Luis Suares faoliyatini «Yuventus»da davom ettirishga yaqin turibdi."La Gazzetta dello Sport" tarqatgan xabarga ko'ra, turinliklar vitse-prezidenti Pavel Nedved o'tgan haftada urugvaylik futbolchining agentlari bilan uchrashuv o'tkazdi. Ular o'rtasidagi ikkinchi uchrashuvda Suares «keksa sinora» bilan shaxsiy shartnoma borasida kelishuvga erishdi. Kelishuvga ko'ra, Luis Turinda 10 million evro miqdorida maosh oladi. Uning "Barsa"dagi yillik maoshi taxminan 14-15 million evroga teng.Ma'lumotlarga qaraganda, "ko'k-anorranglilar" Suaresni bepul qo'yib yuborishga tayyor. Uning "Barselona" bilan shartnomasi 2021 yilga qadar tuzilgan.