«Barselona» hujumchisi Lionel Messining otasi va agenti Xorxe Messi o'g'lining kelajagi borasidagi savolga javob berdi. Xorxe Messi kecha «Barselona» prezidenti Xosep Mariya Bartomeu bilan uchrashdi. OAVda tarqatilgan xabarga ko'ra, tomonlar bir qarorga kela olishmagan: futbolchining otasi Messining jamoani tark etishini ko'zlagan bo'lsa, "ko'k-anorranglilar" rahbari 700 mln. evroga teng badal pulini kamaytirish niyati yo'qligini ma'lum qildi.«Messi "Barselona"da qolishi mumkinmi? Shunday ehtimol mavjudmi? Ha. Bartomeu bilan uchrashuv qanday o'tdi? Juda yaxshi», — dedi Xorxe Messi "Deportes Cuatro"ga bergan qisqa intervyusida.