"Barselona" hujumchisi Antuan Grizmann boshqa jamoaga o'tish niyati yo'qligini ma'lum qildi."Men "Barselona"da qolaman. Odamlar mening qaergadir ketishim mumkinligi haqidagi xabarlarni nima uchun o'ylab topishadi, tushunmayman. "Barselona"da meni barcha narsa qanoatlantirmoqda. Klub va murabbiy menga ishonch bildirmoqda. Shu bois, hammasi joyida. O'tgan mavsum biz uchun qiyin kechdi. Endi hammasini noldan boshlaymiz", - dedi Grizmann "Mundo Deportivo"ga bergan intervyusida.29 yoshli Grizmann 2019 yildan buyon "Barselona" sharafini himoya qilmoqda. Bu vaqt davomida u barcha musobaqalar doirasida 48ta o'yinda maydonga tushib, 15ta gol urdi va 4ta golga uzatma berdi. Uning kataloniyaliklar bilan shartnomasi 2024 yilga qadar tuzilgan.