«Barselona» hujumchisi Luis Suaresning kelajagi noma'lum bo'lib turibdi."Diario Sport" tarqatgan xabarga ko'ra, urugvaylik futbolchi «Yuventus»ga o'tishga u qadar yaqin emas. O'yinchi taklif haqida o'ylamoqda, ammo hali yakuniy qarorga kelmadi. Suares «Yuve»ga o'tish to'g'ri qadam ekaniga shubha bilan qaramoqda. Shu bois, turinliklar bilan shartnoma imzolash masalasini kechiktirmoqda. Chunki, mazkur shartnoma uning faoliyatidagi so'nggisi bo'lishi mumkin. U xato qilishdan qo'rqmoqda. Ma'lumotlarga qaraganda, «Atletiko» bosh murabbiyi Diego Simeone 33 yoshli futbolchini o'z jamoasida ko'rishni istamoqda. Ammo madridliklar Suares borasida hali rasmiy taklif yuborishmadi.