Italiyaning «Inter» klubi xo'jayini Stiven Chjan shu yilning transfer oynasida Kataloniyaning «Barselona» klubi futbolchisi Lionel Messini sotib olishga harakat qilganligi haqidagi mish-mishlarga oydinlik kiritdi.

— Biz hatto bu haqda o'ylab ham ko'rmadik. Bunday sarmoyalar bizning loyihamizning bir qismi bo'lishi mumkin emas. Hozir bizning asosiy maqsadlarimiz — innovatsiya, rejalashtirish, doimiy o'sish va iqtisodiy barqarorlik. Shu tariqa «Inter» klubini yuqori saviyaga olib chiqamiz, — Chjanning so'zlaridan iqtibos keltirmoqda Corriere della Sera.