Kataloniyaning "Barselona" jamoasi himoyaning o'ng qanotini kuchaytirish uchun ustuvor nomzodni tanlashga qaror qildi.

Insayder Xoakim Pera xabariga ko'ra, "ko'k-anorranglilar" "Manchester Siti"dan Joau Kanseluni ijaraga olishga qaror qilishgan.

Eslatib o'tamiz, avvalroq "Bavariya" portugaliyalikni 70 million evro evaziga doimiy ravishda sotib olishdan bosh tortgan edi. Myunxen klubi safida Joau o'tgan mavsumning ikkinchi yarmida ijara asosida o'ynadi.

"Manchester Siti" Kanseludan qutulmoqchi, chunki futbolchi Gvardiolaning rejalariga kirmaydi. Ushbu transferga qiziqayotgan yana bir klub Londonning “Arsenal” jamoasidir.