Myunxenning Bavariya klubi 2020-yildagi 5-sovrinini yutib oldi.

Bundan oldin, Bavariya Germaniya chempionati va kubogi, shuningdek Chempionlar ligasini yutib trebl qayd etgan edi. Keyinchalik Myunxenliklar Yevropa superkubogida g'alaba qozonishdi.

Hans Flick qo'l ostidagi jamoa klublar o'rtasidagi jahon chempionatini qo'lga kiritsa bir yilda 6 ta trofey yutib, Pep Guardiola davridagi "Barcelona"ning tarixiy natijasini takrorlashi mumkin. 

Klublar o'rtasidagi jahon chempionati Qatarda bo'lishi va dekabr oyida o'tkazilishi rejalashtirilgan. Biroq FIFA prezidenti Janni Infantino APga bergan intervyusida, musobaqa dekabr oyida o'tkazilmasligini ham aytgan edi. Bunga sabab, koronavirus pandemiyasi tufayli konfederatsiyalar o'zlarining Chempionlar Ligasini tugatishga ulgurmasligi mumkin. Turnir 2021-yil boshida o'tkazilishi ham mumkin.