Messi va Ronalduni taqqoslash bu davrning asosiy ermaklaridan biri deb aytsak bo'ladi. Ammo hozirgi davrdagi futbol qirollari ikki yildan ko'proq vaqt davomida maydonda uchrashishmayapti.

Eng so'nggi to'qnashuv - 2018-yil may oyida, El Clasico doirasida bo'lib o'tgan. O'sha paytda "Barca" Liga chempionligini hal qilib bo'lgan va faqat tabrik qabul qilgan maydonga chiqqan edi. Suarez birinchi bo'lib hisobni ochgan, Ronaldu esa tezda "Real" hisobni tenglashtirgan, Messi "Barca" ni oldinga olib chiqqan va so'ngra Bale o'z goli bilan durrang qayd etilishini ta'minlab qo'ygan edi.

Kecha chempionlar ligasiga qur'a tashlash marosimi bo'lib o'tdi, unga ko'ra Barcelona Juventus, Dynamo Kiev va Ferencvaros jamoalari bilan bir guruhga tushib qolishdi. Shunday qilib, tez orada Messi va Ronalduning navbatdagi to'qnashuviga guvoh bo'lishimiz mumkin.