Kataloniyaning «Barselona» klubi himoyachisi Serdji Roberto Ispaniya terma jamoasining oktyabr oyidagi o'yinlariga taklif etilganligi haqida Mundo Deportivo xabar bermoqda.

Roberto «qizil furiya» tarkibida Madridning «Real» himoyachisi – Dani Karvaxalni o'rnini egallaydi. Chunki, "Real" himoyachisi mashg'ulotlarda tizzasidan jarohat olib, kamida ikki oyga safdan chiqdi.

Roberto Ispaniya terma jamoasiga bir yildan ortiqroq muddatdan beri chaqirilmayotgandi. U terma jamoasi tarkibida so'nggi marta 2019 yilning iyun oyida maydonga tushgandi.