7 oktyabr, chorshanba kuni Frantsiya va Ukraina terma jamoalari o'rtasida o'rtoqlik uchrashuvi bo'lib o'tdi. Sen-Deni shahrida o'tkazilgan o'yinda frantsuzlar 7:1 hisobida g'alaba qozonishdi. "Uchranglilar"ning gollaridan biri Antuan Grizmann hisobiga yozildi. "Barselona" futbolchisi uchun bu gol Frantsiya terma jamoasi safidagi 32-gol bo'ldi. Bu ko'rsatkich bo'yicha u Zayniddin Zidan va David Trezegeni ortda qoldirdi. Shuningdek, Ukraina terma jamoasi darvozasiga 2ta gol urgan Olive Jiru, Frantsiya termasidagi gollari sonini 42taga etkazdi hamda Mishel Platinini ortda qoldirdi (41 gol). Frantsiya terma jamoasi tarixidagi eng yaxshi to'purar Terri Anri hisoblanadi. Ushbu futbolchi terma jamoa futbolkasida 51ta gol urgan.