«Barselona» hujumchisi Ansu Fati Ispaniya chempionatining sentyabr oyidagi eng yaxshi futbolchisi deb topildi. 17 yoshli futbolchi muxlislar o'rtasidagi o'tkazilgan so'rovnomada birinchi o'rinni egalladi. Fatidan tashqari sentyabr oyi sovrini uchun kurashda Luis Suares («Atletiko»), Yago Aspas («Selta»), Serxio Kanales («Betis»), Mikel Merino («Real Sosedad»), Xose Luis Morales («Levante») va Luis Milya («Granada»)ning nomzodlari qo'yilgan edi.Fati sentyabr oyida «Vilyarreal»ga qarshi o'yinda ikkita gol urdi va bitta golga uzatma berdi. Shuningdek, u "Selta"ga qarshi bahsda bitta gol muallifiga aylandi.