«Barselona» himoyachisi Serxi Roberto Evropa chempionlar ligasi guruh bosqichi 2-turi doirasida bo'lib o'tgan «Yuventus»ga qarshi o'yin (2:0) borasida o'z fikrini bildirib o'tdi.«Bugungi o'yin — klubda ro'y bergan barcha tartibsizliklar uchun eng yaxshi javob. Gap-so'zlar juda ko'p, ammo jamoa g'alaba qozonishda davom etishni istaydi.«Barselona» maydonda hukmronlik qilishini, to'pni nazorat qilishini, yaxshi himoyalanishni istaymiz va shunga harakat qilyapmiz. Murabbiyimiz yangi va o'z o'yinimizni bosqichma-bosqich kuchaytirib boramiz.O'z uyimizda «Real»ga yutqazganimizdan keyin bu o'yinda g'alaba qozonishimiz kerak edi. EChLda 6 ochko jamg'ardik va bu muhim ahamiyatga ega. Bugun atigi 2ta to'p farqni bilan g'alaba qozondik, ammo farq katta bo'lishi ham mumkin edi. Biz barcha imkoniyatlardan foydalana olmadik. Shunga qaramay, g'alabadan qoniqish hosil qildik. Asosiysi — bundan keyin vaziyatlar yaratishda davom etish», — dedi Serxi Roberto.