Evropa Chempionlari Ligasining 3-tur doirasida bo'lib o'tishi kerak bo'lgan «Barselona» hamda Kievning «Dinamo» jamoalari o'rtasidagi uchrashuv o'tkazilmasligi mumkin.

Kataloniya hukumati koronavirus sababli, o'z chegaralarini yopmoqda. Bu haqda Kataloniya bosh vazirining o'rinbosari Per Aragones xabar bermoqda.

Hozircha "Barselona"-"Dinamo" jamoalari o'rtasidagi uchrashuv o'tkaziladimi yoki yo'qmi, bu haqda aniq bir ma'lumot yo'q. Agar uchrashuv o'tkaziladigan bo'lsa ham, jamoalar neytral maydonda to'p surishlari mumkin.

Qayd etilishicha, UEFA ushbu vaziyat borasida Kataloniya hukumati bilan muzokaralarni boshlagan.